Deputetja e koalicionit VLEN, Valbona Adili Emini, ka bërë një apel të drejtpërdrejtë ndaj qytetarëve në prag të zgjedhjeve të ardhshme, duke i ftuar ata të ushtrojnë të drejtën e votës dhe të marrin pjesë aktive në procesin demokratik.
Përmes një deklarate publike, Adili Emini theksoi rëndësinë e votës si një mjet i pazëvendësueshëm për të ndikuar në të ardhmen politike të vendit dhe të brezave të ardhshëm.
“Të nderuar qytetarë, dilni votoni, shfrytëzojeni të drejtën tuaj të votës sepse vota është e shenjtë. Me anë të votës ne përcaktojmë ardhmërinë tonë,” deklaroi deputetja.
Ajo shtoi se pjesëmarrja masive në zgjedhje është një tregues i vetëdijes qytetare dhe i angazhimit për ndryshime reale në shoqëri.
