Me fjalët përfundimtare të prokurorisë, sot në Gjykatën Themelore Penale në Shkup do të vazhdojë gjykimi në rastin e vrasjes së të miturës Vanja Gjorçevska dhe banorit të Velesit Pançe Zhezovski.
Në seancën paraprake përfundoi procedura e provave të gjyqit që filloi në shtator 2024.
Disa persona u morën në pyetje, përfshirë familjet e viktimave, zyrtarë, inspektorë, të njohur dhe bashkëpunëtorë të të pandehurit Ljupço Palevski.
Prokuroria paraqiti gjithashtu prova materiale, si regjistrime video, komunikime elektronike dhe objekte të mbledhura nga vendi i ngjarjeve. Në fillim të gjyqit, të pandehurit deklaruan se nuk ndihen fajtorë, dhe i pandehuri i parë Palevski pohoi gjatë gjithë gjyqit se ky ishte një gjyq i montuar politikisht.
Akuza thotë se Ljupço Palevski, Bore Videvski, Velibor Manev, Vlatko Keshishov dhe Aleksandar Gjorçevski, së bashku planifikuan rrëmbimin e 14-vjeçares Vanja me qëllim që të detyronin një anëtar të familjes së saj të ngushtë të jepte para për shpërblim.
Rrëmbimi i të dëmtuarit Pançe Zhezovski në Veles, sipas aktakuzës, ishte me qëllim që ta detyronin atë t’u jepte automjetin e tij “Citroen” në mënyrë që ta përdornin atë për të rrëmbyer fëmijën në Shkup.
