Presidenti i Ukrainës, Volodymyr Zelensky, ka shkarkuar Ruslan Kravçenkon nga detyra e prokurorit të përgjithshëm të Ukrainës, sipas një dekreti presidencial të publikuar.
Në dokument thuhet: “Ruslan Andrijoviç Kravçenko shkarkohet nga detyra e prokurorit të përgjithshëm”.
Vendimi është marrë në përputhje me nenin 11, pika 2 të Ligjit të Ukrainës “Për regjimin juridik të gjendjes së luftës”.
Sipas këtij ligji, gjatë gjendjes së luftës, presidenti mund të vendosë për shkarkimin e zyrtarëve emërimi dhe shkarkimi i të cilëve është në kompetencën e tij, si dhe t’ia besojë këto detyra një personi tjetër për periudhën përkatëse.
