Çdo ditë e më shumë, LSDM-ja i ngjan një gramafoni të prishur, që përsërit gënjeshtra dhe dezinformata.

Banka Popullore dhe guvernatori janë ata që marrin vendime për sistemin bankar, e jo kryeministri dhe Qeveria. Nuk është e vërtetë se guvernatori Sllaveski ka thënë ndonjëherë, në asnjë vend, se vendimin për Alta Bankën e ka marrë Mickoski.

Prandaj, kjo është edhe një gënjeshtër tjetër e LSDM-së, me qëllim përhapjen e panikut dhe sabotimin e sistemit bankar të vendit. Një sabotim i tillë nga LSDM-ja dëshmon rolin e saj jokonstruktiv, nga i cili dëm pësojnë bizneset, ekonomia dhe qytetarët.

Kryeministri nuk themelon banka. Por, me sa duket, ata janë të mësuar nga koha kur vëllai i ish-kryeministrit, VICE ZAЕV, së bashku me partnerët e tij të biznesit, merrnin kredi pa mbulim nga Eurostandard Banka, duke e shkatërruar bankën dhe duke i vjedhur qytetarët.

Ky është kriminalitet!

Dallimi mes Alta Bankës dhe Eurostandard Bankës është se Zaevët e plaçkitën bankën, ndërsa në rastin e Alta Bankës, problemi është i importuar, përkatësisht banka mëmë, e cila ndodhet në një shtet tjetër, ka ndërprerë së ekzistuari.

Por, për fat të mirë, do të gjendet një zgjidhje dhe qytetarët nuk do të lejohen të pësojnë dëme.