E përditshmja britanike The Sun ka shkruar për Eva Muratin, moderatoren sportive shqiptare, e cila me vite të tëra ka mbizotëruar kanalet sportive në Shqipëri.
Mediumi britanik madje e krahason moderatoren shqiptare me prezantuesen e njohur sportive Laura Woods.
Eva Murati është një aktore shumë e suksesshme, prezantuese dhe modele.
Ylli me origjinë nga Elbasani, prej vitit 2017 prezanton zhvillimet sportive më të mëdha evropiane përmes platformës Tring.
Murati gjithashtu ka grumbulluar pas vetes një fanbase të madh në rrjetet sociale, derisa ka pothuajse një milion ndjekës në Istagram.
Përpara se të zhvillonte karrierën e saj në showbiz, Eva studioi drejtësi në Universitetin e Tiranës.
Ajo filloi karrierën e saj në televizion vetëm në moshën 18-vjeçare.
Përveç moderimit, ajo gjithashtu është modele që ka pozuar për brendin italian për veshjet e brendshme, Yamamay. /Telegrafi/
