Moti i qëndrueshëm dhe i ngrohtë do të përshkallëzohet gjatë ditëve në vijim, ndërsa fundjava pritet të sjellë temperatura deri në 41°C në disa pjesë të vendit.
Sot moti ishte kryesisht me diell dhe i ngrohtë, me vranësira të lehta deri mesatare. Gjatë pasdites pritet paqëndrueshmëri lokale, e shoqëruar me shira të rrëmbyeshëm, bubullima dhe erëra të forta. Temperatura më e ulët në orën 17:00 u mat në Popova Shapka, 16.6°C, ndërsa më e larta në Gjevgjeli, 37.6°C.
Edhe në Shkup gjatë pasdites priten kushte për paqëndrueshmëri, me reshje të rrëmbyeshme dhe bubullima.
Nesër do të mbajë mot me diell dhe i ngrohtë, me vranësira të pakta deri mesatare. Në zonat malore gjatë pasdites priten vranësira të shtuara, me mundësi për reshje afatshkurtra dhe bubullima të rralla.
Nga e enjtja fillon një periudhë me mot kryesisht të qëndrueshëm dhe shumë të ngrohtë. Temperaturat minimale do të lëvizin nga 12°C deri në 21°C, ndërsa maksimalet nga 33°C deri në 39°C.
Të premten, më 21 gusht, temperaturat do të rriten më tej, me minimale nga 13°C deri në 22°C dhe maksimale nga 34°C deri në 40°C.
Të shtunën, më 22 gusht, temperaturat maksimale pritet të arrijnë deri në 41°C. Njëkohësisht, në disa zona mund të ketë paqëndrueshmëri të shoqëruar me erëra të forta, shira të rrëmbyeshëm dhe stuhi.
Gjatë fundjavës, në disa rajone të vendit temperaturat pritet të kalojnë 40°C.
