Në ditën e dytë të debatit të përgjithshëm për Propozim- buxhetin për vitin 2026 të Komisionit parlamentar për financim dhe buxhet, deputetja e VMRO-DPMNE-së, Dafina Stojanoska, vuri në dukje se Qeveria e udhëhequr nga VMRO-DPMNE nuk i rriti taksat, por rregulloi mbledhjen e tyre. Ajo theksoi se për këtë Qeveri nuk ka kompani të privilegjuara ose trajtim selektiv të debitorëve, por se të njëjtat rregulla dhe ligje vlejnë për të gjithë.
Sipas Stojanoskës, Qeveria arrin të mbajë pagat, pensionet dhe investimet në rritje të vazhdueshme, duke ulur njëkohësisht deficitin dhe borxhin publik. Ajo shtoi se nuk ka të ardhura të njëhershme dhe tarifa të jashtëzakonshme dhe se Qeveria financon dhe motivon projekte kapitale vendase dhe shlyen borxhet e vjetra të dikujt.
Ajo theksoi se është një gjë të marrësh hua për luks dhe është krejt tjetër të marrësh hua për të investuar, ndërtuar, krijuar kapacitete të reja prodhuese dhe vende të reja pune. “Luksi është vetëm një konsumator i kapitalit, ndërsa investim i ri është një krijues i kapitalit të ri – shtesë”, thotë Stojanoska.
Sipas saj, Propozimi buxheti i vitit 2026 nuk premton mrekulli, por premton të ardhura reale, investime solide kapitale, shpenzime familjare, rritje graduale por të qëndrueshme të pagave dhe pensioneve, një deficit që po zvogëlohet ngadalë por me siguri, si dhe mbështetje të vazhdueshme për të gjitha komunat në mënyrë të barabartë.
“Në vitin 2026, pavarësisht gjitha borxheve nga LSDM dhe BDI, do të bëjmë përpjekje që qytetarët tanë të sigurojnë rrugë më të mira, më shumë projekte infrastrukturore lokale, institucione shëndetësore më të pajisura që do të ofrojnë shërbime më cilësore për të gjithë pacientët, shkolla dhe fakultete më të pajisura që do të krijojnë personel më cilësor për të ardhmen, një mjedis më të pastër për të gjithë, rrugë dhe qytete më të sigurta. Do të angazhohemi për t’u rikthyer shpresën njerëzve dhe për ta bërë jetën e tyre në Maqedoni më të bukur. Të kemi një komb të shëndetshëm dhe të rinj që do të duan të qëndrojnë në shtëpi, të punojnë dhe të investojnë, të krijojnë familje dhe të jenë të lumtur”, tha Stojanoska.
