OKTA vazhdon me masat për mbështetjen e tregut vendas, duke vendosur një zbritje të përkohshme prej 2 denarësh për litër për benzinat me 95 dhe 98 oktanë, e cila do të vlejë nga 2 deri më 16 qershor 2026.
Vendimi vjen si rezultat i lëvizjeve aktuale të çmimeve ndërkombëtare të derivateve të naftës dhe komunikimit të vazhdueshëm me Qeverinë. Kjo iniciativë është vazhdim i serisë së masave që kompania po zbaton që nga marsi i këtij viti, me qëllim zbutjen e ndikimit të paqëndrueshmërisë në tregjet ndërkombëtare mbi tregun vendor të karburanteve.
Zbritja do të vlejë për tregtarët me shumicë dhe pakicë që furnizohen me benzinë nga OKTA, duke u krijuar mundësi që përfitimin ta reflektojnë edhe në çmimet për konsumatorët fundorë. Megjithatë, kompanitë e shitjes me pakicë dhe shumicë do të vazhdojnë t’i përcaktojnë në mënyrë të pavarur çmimet e tyre përfundimtare, në përputhje me politikat tregtare dhe kushtet e tregut.
Sipas pritjeve, kontributi i përgjithshëm i OKTA-s për mbështetjen e tregut do të tejkalojë 7 milionë euro. Njëkohësisht, kompania mbetet e përkushtuar për të siguruar furnizim të qëndrueshëm dhe të pandërprerë me karburante, duke ruajtur stabilitetin afatgjatë të operimit dhe të zinxhirit të furnizimit.
