Organizata Botërore e Shëndetësisë paralajmëron për rrezik të lartë të përhapjes së virusit përtej kufijve të Republikës Demokratike të Kongos. Gati 5 mijë persona janë infektuar dhe më shumë se 2,300 kanë vdekur.
Epidemia e Ebolës në Republikën Demokratike të Kongos (RDK) është “larg të qenit nën kontroll” dhe rreziku i përhapjes së saj përtej kufijve të vendit mbetet i lartë, paralajmëroi të martën drejtori i Përgjithshëm i Organizatës Botërore të Shëndetësisë (OBSH), Tedros Adhanom Ghebreyesus.
