Dy raste të vdekjeve, në të cilat është dashur të intervenojë policia, janë raportuar të kenë ndodhur, të mërkurën në Kosovë.
I pasi, sipas raportit të forcave të rendit, ngjau në Fushë Kosovë, të mërkurën rreth orës 15 e 30 minuta, ku një burrë ka humbur jetën pasi dyshohet se ka rënë nga lartësia. Rrethanat e këtij incidenti mbeten ende të panjohura, sipas policisë, e cila ka vazhduar ta hetojë rastin.
Me vendim të prokurorit, trupi i pajetë është dërguar në Institutin e Mjekësisë Ligjore për obduksion.
Vdekja e dytë ndodhi në Gjakovë, pak pas orës 18, kur u raportua se një burrë është gjetur pa shenja jete. Në vendin e ngjarjes kanë dalë njësitë përkatëse policore, ndërsa me urdhër të prokurorit edhe trupi I kësaj viktime është dërguar në IML për obduksion.
