13.8 C
Skopje
Wednesday, April 24, 2024

Në Tetovë u mbajt tubim në mbështetje të popullit palestinez

Qindra qytetarë janë mbledhur sot në sheshin e qytetit në Tetovë për të shprehur mbështetjen e tyre për popullin palestinez dhe për të kërkuar ndalimin e sulmeve të armatosura në Rripin e Gazës.

Qytetarët mbanin pankarta me mbishkrime për të ndaluar vrasjen e fëmijëve, për të ndaluar bombardimet dhe gjenocidin në Gaza.

“Jemi këtu për të kundërshtuar narrativën aktuale ku viktimat palestineze kanë më pak vlerë se viktimat izraelite. Jemi këtu për të ndarë me familjet e viktimave një pjesë të pikëllimit që ata ndjejnë. Ne jemi këtu për foshnjat, fëmijët, gratë dhe viktimat e tjera, që në sytë e shumë politikanëve janë dëm kolateral për zgjidhjen e një konflikti të vjetër”.

“Jemi këtu për të treguar se jemi në anën e drejtësisë dhe në anën e duhur të historisë, sepse askush nuk ka mëshirë për historinë e kriminelëve agresivë”, tha Jeton Xheladini në fjalimin e tij para të pranishmëve, në emër të iniciativës civile që organizoi tubimin.

Ai lexoi edhe disa mesazhe për disa palë në lidhje me luftimet në mes Palestinës dhe Izraelit.

Ndryshe, ditë më parë edhe në Shkup u mbajt tubim në mbështetje të Palestinës.

Lajme të ngjajshme

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

EVN

Lajmet e fundit