Deputetët e Partisë Demokratike të Kosovës kanë paralajmëruar në Kuvend se Njësia Speciale Intervenuese e Policisë së Kosovës, e njohur si FIT po shqyrton mundësinë e largimit të përkohshëm.
Deputetja e PDK-së Blerta Deliu Kodra në seancën ku u diskutua për Rezolutën për Policinë, tha se kjo njësi e bojkoti mbrëmë edhe “Darkën e Lamës” të shtruar nga presidentja Osmani për shkak të pakënaqësive në raport me kërkesat që i kanë pasur.
E deputetet e mazhorancës për herë të dytë kanë munguar më seancën e thirrur nga opozita në përpjekje për të miratuar Rezolutën për përkrahje urgjente financiare të Policisë së Kosovës.
Përmes kësaj rezolute, PDK-ja kërkon që 15 ditë nga miratimi i saj të ndahen mjetet për shtesat e rrezikshmërisë për Policinë e Kosovës.
Javën e kaluar, Kuvendi i Kosovës ka dështuar të mbajë seancën e jashtëzakonshme ku do të votohej një rezolutë për forcimin e Policisë së Kosovës, kjo pasi që partia në pushtet, Lëvizja Vetëvendosje, nuk qe e pranishme në sallë.
