Drejtoria e Policisë Financiare ka paraqitur kallëzim penal në Prokurorinë Themelore Publike Shkup kundër V.R., drejtues dhe pronar i një personi juridik, si dhe kundër personit juridik, për shkak të dyshimit të bazuar për kryerjen e veprave penale “Shmangie nga tatimi”, nga neni 279, dhe “Dëmtim ose favorizim i kreditorëve”, nga neni 257 i Kodit Penal, transmeton Portalb.mk.
I kallëzuari V.R., gjatë periudhës 2019–2020, ndonëse ishte i vetëdijshëm se personi juridik ishte i paaftë për të paguar dhe se i kanosej falimentimi, me qëllim të përfitimit të kundërligjshëm pasuror dhe dëmtimit të kreditorëve, ka zvogëluar pasurinë nga e cila kreditorët mund t’i shlyenin kërkesat e tyre.
