Sonte në Malmö me fillim nga ora 21:00 do të mbahet gjysmëfinalja e parë e Eurovizionit ku 15 shtete po luftojnë për një vend në finale.
Edicioni i sivjetshëm i Eurovizionit u shënua edhe nga situata politike në botë, veçanërisht lufta në Gaza, prandaj edhe në Suedi po zhvillohen protesta. Në mesin e protestuesve ka pakënaqësi sepse Izraeli u lejua të merrte pjesë, ndërsa Rusia më parë ishte përjashtuar për shkak të luftës në Ukrainë.
Në natën e dytë gjysmëfinale të planifikuar për këtë të enjte do të performojnë Izraeli dhe përfaqësuesi i tyre Eden Golan, i cili është këshilluar të mos largohet nga dhoma e hotelit.
Policia suedeze është në gatishmëri të lartë dhe madje ka kërkuar përforcime nga Danimarka dhe Norvegjia gjatë procesit.
