Shkurtimi i procedurave burokratike për marrjen e një ilaçi të caktuar për sëmundjet e rralla është apeli kryesor i sektorit të shëndetësisë, sipas të cilit do ta bënte jetën e pacientëve, numri i të cilëve është në rritje, më të lehtë, raporton 24.mk, përcjell Portalb.mk.
Në situata të caktuara, nuk është çështje ditësh, por orësh kur është e nevojshme të ndërhyhet me terapi.
Përveç ilaçit, një sfidë në disa sëmundje të rralla është periudha deri në vetë diagnozën.
Komisioni Kombëtar për Sëmundjet e Rralla në Ministrinë e Shëndetësisë thotë se procedurat janë bërë shumë më të lehta dhe po punohet për përmirësimin e tyre.
Këto pyetje djegëse, nën moton “Drejt mjekësisë së personalizuar”, janë në fokus të Kongresit të 11-të për Sëmundjet e Rralla, i cili po mbahet në Ohër dhe në të cilin marrin pjesë 300 ekspertë që kërkojnë zgjidhje më të shpejta dhe një cilësi më të mirë jetese për pacientët.
