STRUGË – Ndërmarrja Publike Komunale Strugë e ka mbyllur tremujorin e dytë të vitit 2026 me rezultat pozitiv financiar, duke shënuar rritje prej mbi 5.2 milionë denarë në të hyrat operative.
Lajmin e ka bërë të ditur drejtori i ndërmarrjes, Resul Çollaku, i cili përmes një postimi ka vlerësuar se rezultati është dëshmi e punës së bërë nga ndërmarrja dhe bashkëpunimit me qytetarët.
“Tre-mujorin e dytë të këtij viti e mbyllëm me mbi 5.2 milionë denarë më shumë të hyra”, ka shkruar Çollaku.
Sipas tij, rezultatet financiare paraqesin një hap pozitiv në përmirësimin e performancës së ndërmarrjes dhe në vazhdimin e aktiviteteve në shërbim të qytetarëve të Strugës.
“Vazhdoj përpara, për Strugën tonë!”, ka shkruar Çollaku, duke shprehur përkushtimin për vazhdimin e punës së ndërmarrjes.
