Pas asfaltimit të pjesës më të madhe të rrugës “Ferid Murad”, sot kanë përfunduar edhe punimet për asfaltimin e shtigjeve për këmbësorë dhe biçikleta në njërën anë të saj. Me këtë ndërhyrje, kjo arterie e rëndësishme e Çairit po merr një pamje të re, duke krijuar hapësira më të sigurta dhe më funksionale për lëvizjen e përditshme të qytetarëve, informojnë nga komuna e Çairit.
Sipas tyre punimet do të vazhdojnë edhe në anën tjetër të rrugës, në segmentin pranë ngrohtores. Komuna e Çairit po vijon realizimin e këtij projekti, me synim përmirësimin e infrastrukturës rrugore dhe krijimin e kushteve më të mira për këmbësorët, çiklistët dhe të gjithë qytetarët.
