Bebe Rexha ka festuar dasmën e vëllait të saj në një atmosferë të mbushur me muzikë, gëzim dhe tradita shqiptare.
Nga ceremonia familjare janë publikuar pamje që tregojnë momente të veçanta të festës, ku nuk kanë munguar këngët dhe argëtimi.
Pjesë e këtij eventi ka qenë edhe këngëtarja shqiptare Yllka Kuqi, e cila ka interpretuar për të pranishmit, duke krijuar një atmosferë festive me repertorin e saj.
Prania e saj i ka dhënë festës edhe më shumë ritëm, ndërsa të ftuarit kanë shijuar muzikën dhe momentet e gëzueshme të ceremonisë.
Edhe vetë Bebe Rexha nuk ka qëndruar vetëm në rolin e të ftuarës, por i është bashkuar festës duke kënduar për të pranishmit.
Këngëtarja, e cila ka ruajtur gjithmonë lidhjen me prejardhjen e saj shqiptare, ka ndarë kështu një moment të rëndësishëm familjar, të shoqëruar me elemente të traditës dhe kulturës shqiptare.
Pamjet e publikuara kanë sjellë një vështrim nga atmosfera e dasmës, ku muzika dhe festimi kanë qenë pjesë qendrore e kësaj dite të veçantë për familjen e artistes.
Festa ka tërhequr interes edhe në rrjetet sociale, ku ndjekësit kanë pasur mundësi të shohin disa nga momentet e ceremonisë. /Telegrafi/
