Katër gola të shënuar dhe një penalti e humbur është epilogu i kryendeshjes së javës së 20-të në elitën e futbollit vendor mes Struga Trim Lum – FC Shkup që përfundoi me barazim 2-2
Derbi i javës së 20-të në Ligën e parë futbollit vendor mes kampionit në fuqi Struga Trim Lum dhe nën kampionit FC Shkupi përfundoi me barazim 2-2. Katër golat u shënuan në pjesën e dytë me autor Bunjamin Shabani në minutën e 54’, dhe Marjan Radeski 68’ për vendasit, ndërsa Gronner 66’ dhe Rwatubyaye në minutën e 74-të, shënuan për çairasit. Vendasit patën rastin që të kalojnë epërsi në minutën e 3-të, kur goditjen e Besart Ibraimit nga penaltia e mbrojti portieri shkupjan Ardit Iljazi. Me pikën e fituar në Strugë, FC Shkupi vazhdon të mbete në krye të tabelës me 42 pikë, para Struga TL që ka 41 pikë
