Iva Mihailova, e akuzuar për aksidentin rrugor pranë Koçanit në të cilin humbi jetën një person, njofton mundësinë e vazhdimit të trajtimit në Izrael nëse mjekët në Bullgari nuk arrijnë t’i eliminojnë pasojat e lëndimeve të saj.
Ndërkohë, avokati i saj ka paraqitur një kërkesë në Gjykatën Themelore në Koçani që ajo të marrë pjesë në mënyrë online në seancën e sotme gjyqësore, të planifikuar për 9 nëntor.
Mihailova deklaroi në një intervistë për BNT se filloi trajtimin në Bullgari tre deri në katër javë më parë dhe kohët e fundit filloi rehabilitimin. Për momentin, siç tregoi ajo, nuk ka një vlerësim të saktë se sa do të zgjasë procesi i rikuperimit.
Ajo pretendon se për shkak të dëmtimit të shtyllës kurrizore, ka pasoja të përhershme që e bëjnë të vështirë funksionimin e saj të përditshëm. Sipas dëshmisë së saj, mungesa e rehabilitimit adekuat gjatë qëndrimit të saj në Maqedoni ndikoi më tej në shëndetin e saj.
