Boksieri i KB Çair dhe reprezentuesi i Maqedonisë së Veriut në boks, Arjan Iseni ka regjistruar fitoren e dytë në Kampionatin Evropian, i cili aktualisht po zhvillohet në Beograd. Iseni ka mundur boksierin nga Armenia, Rafael Hovhansyan, i cili njëherit është edhe nënkampion i Evropës.
Sfidën e radhës, boksieri shqiptarë do të zhvillojë kundër boksierit serb Rastko Simiç, teksa me një fitore eventuale boksieri i KB Çair siguron medaljen e bronztë dhe vazhdon rrugëtimin drejt finales për titullin kampion të Evropës. Kujtojmë që në meçin e pare, Iseni mposhti grekun Mihael Tsamalidis. Ndryshe në këtë kampion evropian marrin pjesë 401 boksierë nga 33 shtete.
Vlen të përmendet që kryetari i klubit të boksit Çair, Jasin Lama ka mbështetur maksimalisht boksierët e këtij klubi duke u ofruar kushte optimale për stërvitje, me çka boksierët kanë shkëlqyer në garat vendore dhe ato ndërkombëtare.
