Kryetari i BDI-së, Ali Ahmeti, ka njoftuar se ka zhvilluar një takim me Ushtruesen e Detyrës së Ambasadores së Shteteve të Bashkuara të Amerikës në Maqedoninë e Veriut, Nicole Varnes.
Sipas Ahmetit, në takim është zhvilluar një bisedë e hapur dhe konstruktive për çështje me interes të përbashkët, me fokus të veçantë te sundimi i ligjit, ruajtja e marrëdhënieve të mira ndëretnike, si dhe zhvillimet aktuale që lidhen me paqen dhe stabilitetin global.
Ai ka shprehur mirënjohjen për mbështetjen e vazhdueshme të Shteteve të Bashkuara të Amerikës ndaj vlerave demokratike, integrimit euroatlantik dhe perspektivës së vendit.
“Jam i bindur se partneriteti ynë do të vazhdojë të forcohet në funksion të paqes, stabilitetit dhe një të ardhmeje më të mirë për të gjithë qytetarët”, ka theksuar Ali Ahmeti.
