Zëvendësministri i Bujqësisë, Albrim Hoxha, ka bërë të ditur se Maqedonia e Veriut dhe Turqia po vazhdojnë të ndërtojnë partneritet të mirë dhe komunikim të afërt në sektorin e bujqësisë dhe zhvillimit agro-ushqimor.
Në kuadër të Konferenca Rajonale e FAO-s në Taxhikistan, Hoxha zhvilloi takim me zëvendësministrin e Bujqësisë dhe Pylltarisë të Turqia, Ahmet Bagci.
Sipas Hoxhës, në takim është diskutuar për bashkëpunimin në fushën e bujqësisë dhe zhvillimit rural, me theks të veçantë në tregtinë agro-ushqimore mes dy vendeve, digjitalizimin e sektorit dhe shkëmbimin e përvojave në politikat moderne bujqësore.
Ai bëri të ditur se pjesë e diskutimeve ishte edhe e ardhmja e FAO dhe prioritetet e organizatës për periudhën e ardhshme.
Në takim, po ashtu, është biseduar edhe për mundësitë e bashkëpunimit në menaxhimin e ujërave, pylltari, sigurimin bujqësor, si dhe për forcimin e lidhjeve ndërmjet institucioneve dhe sektorit privat të të dy vendeve.
