Alarm nga Pediatri Memedi: “Mbeturinat po rrezikojnë jetën e fëmijëve tanë – Veproni tani!”

“Nuk është më çështje estetike, por shëndeti i fëmijëve tanë është në rrezik!” – shkruan Memedi. Ai thekson se fëmijët dhe të moshuarit janë më të prekurit nga pasojat e mungesës së pastrimit, duke përmendur rritjen e rasteve të infeksioneve, helmimeve dhe sëmundjeve të rënda si gastroenteriti dhe hepatiti A.

Pediatri kritikon ashpër institucionet komunale për neglizhencën dhe mungesën e shërbimeve të rregullta të pastrimit: “Kazanët janë të mbushur, mbeturinat derdhen rrugëve dhe askush nuk merr përgjegjësi.”

Ai i bën thirrje qytetarëve që të mos heshtin më:
“Të bashkohemi si komunitet! Të kërkojmë me ngulm që institucionet të bëjnë detyrën e tyre. Lagjja jonë është shtëpia jonë!”

Në fund të reagimit të tij, Memedi lëshon një apel të fortë:
“Pastroni sa më shpejt, mos të bëhet vonë – për shëndetin bëhet fjalë!”

https://www.facebook.com/share/p/15kk5xwFW1/?mibextid=oFDknk