Skuadra e Westerlos ka fituar falë sulmuesit shqiptar Erdon Daci në kampionatin e Belgjikës.
Në duelin e luajtur në kuadër të xhiros së 17-të në elitën e futbollit belg, Westerlo triumfoi me rezultat 2:1 në udhëtim ndaj Kortrijk.
Pikërisht golin e dytë dhe të fitores për skuadrën e Westerlos e realizoi reprezentuesi i Maqedonisë së Veriut, Erdon Daci, kur pas një aksioni tre minuta para fundit u gjend më së miri në sezonën e rreptësisë dhe pas devijimit të topit nga shtylla, e dërgoi në rrjetë për triumf dhe tre pikë të skuadrës së tij.
Kujtojmë se më herët për ekipin e futbollistit shqiptar shënoi Matija Frigan në minutën e 33-të, përderisa për skuadrën humbëse golin e gjeti Isaak Davies.
