Në Maqedoni nuk ka një mega, por ka ultra skandal të shkallës më të lartë lidhur me monitorimin e komunikimeve të qytetarëve, tha në konferencë për mediat Igor Janushev nga VMRO-DPMNE.
Ai pretendon se Qeveria ka prokuruar një sistem për monitorimin e komunikimeve.
“Nëpërmjet sistemit, ata kanë mundësinë të aksesojnë pothuajse të gjithë trafikun e internetit në vend, në çdo pajisje, në çdo telefon, në çdo operator, në çdo person – privat apo zyrtar, si dhe mundësinë për të hyrë në çdo pajisje, që është telefon me të ashtuquajturin “malware”, tha Janushev.
Ai thotë se MPB-ja në kundërshtim me Ligjin nuk e ka lëshuar një miratim të tillë dhe se ekziston një dokument i tillë i nënshkruar nga Spasovski në të cilin shprehimisht thuhet se MPB-ja nuk ka dhënë miratim.
“Spasovski dhe Kovaçevski duhet menjëherë të dalin para opinionit maqedonas dhe t’i japin përgjigje popullit”, tha Janushev.
