Rrahje brutale në Han të Elezit: Arrestohet shqiptari nga Maqedonia e Veriut, dyshohet se sulmoi dy persona
Një rrahje brutale ndodhi të mërkurën në rrugën “Adem Jashari” në Han të Elezit, ku një person po dyshohet se sulmoi dy të tjerë, për motive akoma të panjohura, shkruan Sinjali.
Viktimat, dy të rinj nga Prishtina, bazuar në informacionet e para, kanë pësuar lëndime të rënda trupore.
Si i dyshuar për rastin është një shqiptar nga Maqedonia e Veriut, i cili është arrestuar dhe shoqëruar në stacion policor.
Ndaj tij, Prokurori i Shtetit ka urdhëruar masën e ndalimit policor dhe inicimin e rastit për veprën penale “Lëndim i rëndë trupor”.
Sinjali do të iu mbajë të informuar me detajet e reja.
