Interi ka konfirmuar zyrtarisht transferimin e sulmuesit iranian, Mehdi Taremi, i cili vjen si transferim i lirë.
Nerazzurrët kanë përfunduar me sukses edhe transferimin e tretë brenda këtij afati kalimtar të verës.
Pas mesfushorit Piotr Zielinski dhe portierit Joseph Martinez, kampioni i Italisë ka zyrtarizuar edhe një sulmues.
Bëhet fjalë për 31-vjeçarin Taremi, i cili vjen në Giuseppe Meazza si lojtar i lirë, pas skadimit të kontratës me Porton.
“Mehdi Taremi bashkohet me Interin. Sulmuesi 31-vjeçar ka nënshkruar kontratë me Nerazzurrët deri më 30 qershor 2027”, thuhet në njoftimin e Interit.
Ndryshe, Taremi luajti për katër sezone te Porto, ku zhvillohet 182 ndeshje në të gjitha garat, duke shënuar 91 gola dhe 56 asistime.
