Dita e Alfabetit, Shiroka Pula: Ta ruajmë dhe pasurojmë gjuhën shqipe

Advertisement

Presidentja e Kosovës, Shiroka Pula, ka përcjellë një mesazh me rastin e Ditës së Alfabetit të Gjuhës Shqipe, duke theksuar rëndësinë e tij në ruajtjen e identitetit kombëtar.

Në mesazhin e saj, presidentja ka kujtuar Kongresin e Manastirit të vitit 1908, ku 50 delegatë nga 26 qytete, shoqata dhe klube shqiptare u bashkuan për të përcaktuar alfabetin e gjuhës shqipe.

Ajo ka theksuar se alfabeti është dëshmi e qëndresës dhe e përpjekjeve ndër shekuj për ruajtjen e identitetit kombëtar.

“Lufta jonë për liri u bë edhe për gjuhën shqipe, për të drejtën për ta folur dhe shkruar atë lirshëm”, thuhet në mesazhin e presidentes.

Shiroka Pula ka theksuar se përgjegjësi e brezave të sotëm është ruajtja, pasurimi dhe përcjellja e kësaj trashëgimie te gjeneratat e ardhshme.

Në fund, ajo ka uruar të gjithë shqiptarët për Ditën e Alfabetit të Gjuhës Shqipe.

 

Lajme të ngjajshme

Lajmet e fundit