VLEN ka reaguar ndaj akuzave të Arianit Hoxhës lidhur me zbatimin e Ligjit për Përdorimin e Gjuhëve, duke drejtuar kritika ndaj BDI-së dhe kryetarit të saj, Ali Ahmeti.
Në reagimin e VLEN-it thuhet se Hoxha, para se të kërkojë përgjegjësi për çështjen e gjuhës shqipe, duhet të kërkojë sqarime nga kryetari i tij për disa vendime dhe zhvillime të periudhave të mëparshme.
VLEN përmend deklaratat e Gëzim Ostrenit lidhur me formulimin kushtetues për gjuhën shqipe, iniciativat e paraqitura në Gjykatën Kushtetuese gjatë viteve 2019–2024, si dhe qëndrimin e dhënë në Këshillin e Evropës në vitin 2004 për termin “minoritet”.
Në fund të reagimit, VLEN akuzon BDI-në për keqpërdorim politik të çështjes kombëtare dhe sakrificës së shqiptarëve, duke kritikuar funksionarët e saj për mënyrën e ushtrimit të pushtetit.
