Bashkimi Evropian i ka kërkuar të hënën Izraelit të garantojë akses të plotë humanitar në Rripin e Gazës, duke paralajmëruar se përmbytjet e mëdha dhe përkeqësimi i kushteve atmosferike gjatë dimrit po rëndojnë edhe më tej situatën e rëndë humanitare në territor.
Zëdhënësja e Komisionit Evropian, Eva Hrncirova, deklaroi gjatë një konference për mediat në Bruksel se kushtet e jetesës për familjet e zhvendosura janë përkeqësuar ndjeshëm, veçanërisht për ata që strehohen në tenda të përmbytura nga reshjet.
Ajo theksoi se BE-ja i ka bërë vazhdimisht thirrje qeverisë izraelite, në të gjitha nivelet, për të lejuar hyrjen e plotë të ndihmave humanitare në Gaza.
