Deputeti dhe ish-kryetari i Aleancës për Ardhmërinë e Kosovës (AAK), Ramush Haradinaj, ka ndarë në rrjetet sociale poezinë “Në luftë” të poetit të ndjerë shqiptar, Dritëro Agolli, përcjell agjencia e lajmeve INA.
Poezia, e cila trajton qëndresën, guximin dhe përballjen me padrejtësinë e dhimbjen njerëzore, përcjell një mesazh të fortë përballë vështirësive dhe sfidave.
Në vargjet e saj, Agolli shpreh vendosmërinë për të mos u tërhequr përballë përballjeve, duke shkruar:
“Në luftë”
Unë s’jam nga ata që ikin nga lufta,
Kur marrin në trup një gërvishtje,
As nga ata që heshtin, të futur në tuta,
Kur i pështyjnë me tallje e skërmitje.
Unë jam gjithmonë mes luftës mizore
Dhe them: “Sikur dhe luftë mos ketë,
Për dhimbjen e madhe njerëzore
Do ndizja luftën me retë.” (INA)
