Kryetari i VMRO-DPMNE-së, Hristijan Mickoski, sonte i uroi Stojanço Radiçeskit nga koalicioni “Maqedonia juaj” për numrin e votave të fituara në zgjedhjet për kryetar komune në Bërvenicë.
Siç tha ai, LSDM u mposht në këtë raund të parë.
“VMRO-DPMNE është bindshëm e para dhe ka një fitore të madhe në raundin e parë të zgjedhjeve për kryetar komune në komunën e Bërvenicës. Edhe pse vetëm pak ditë më parë udhëheqja e LSDM-së njoftoi një fitore bindëse, LSDM është deklasuar nga qytetarët. Ky është një mesazh i rëndësishëm nga qytetarët për udhëheqësinë e LSDM-së”, theksoi Mickoski në konferencën për shtyp.
Sipas tij, votimi i sotëm është konfirmim se qytetarët i njohin dhe i mbështesin politikat e VMRO-DPMNE-së.
Populli, tha ai, zgjedh progresin, unitetin dhe një luftë të drejtë për të ardhmen.
“Qeveria do të vazhdojë të investojë në zhvillimin e komunave, me prioritete të qarta dhe përgjegjësi edhe më të madhe”, tha Mickoski.
Siç vlerësoi ai, duke pasur parasysh se në zgjedhjet në Bërvenicë ka më shumë kandidatë, gjasat janë që të ketë një raund të dytë të zgjedhjeve, ku favorit është kandidati i VMRO-DPMNE-së me rreth 3.000 vota.
