Lëvizja ZNAM për Maqedoninë Tonë ka prezantuar raportin për punën e funksionarëve të zgjedhur dhe të emëruar nga radhët e saj gjatë dy viteve të fundit.
Në prezantim, kryetari i ZNAM-it, Maksim Dimitrievski, tha se raporti synon të ofrojë një pasqyrë të punës së bërë dhe të jetë i hapur për verifikim dhe kritikë nga qytetarët.
Dimitrievski deklaroi se marrja e përgjegjësisë në Qeveri nënkupton që premtimet politike duhet të shndërrohen në rezultate konkrete.
“Le ta lexojnë. Le ta kritikojnë. Le t’i krahasojnë rezultatet. Le të na thonë edhe se ku mund të kishim bërë më mirë”, tha ai.
Duke folur për orientimin politik të partisë, Dimitrievski tha se ZNAM angazhohet për një Maqedoni evropiane dhe të reformuar, duke theksuar njëkohësisht ruajtjen dhe afirmimin e identitetit, gjuhës, kulturës dhe historisë së vendit.
Ai paralajmëroi vazhdimin e ndryshimeve në periudhën e ardhshme dhe tha se synimi është një shtet më modern, më i rregulluar dhe më funksional.
