Kryetarja e Unionit të Grave të VMRO-DPMNE-së, Marija Miteva, pas pjesëmarrjes në Akademinë Vjeshtore të organizatës së grave të Partisë Popullore Evropiane në Athinë, ka theksuar rëndësinë e fuqizimit të rolit të grave dhe përfshirjes së tyre aktive në tregun e punës.
Në një intervistë për MIA, Miteva tha se një nga temat kryesore të Akademisë ishte rritja e mundësive për gratë që të jenë konkurruese në tregun e punës, të avancojnë në karrierë, të hapin biznese dhe të marrin pozita drejtuese.
Sipas saj, fuqia e grave nuk duhet të matet vetëm me praninë e tyre, por me pjesëmarrjen aktive, marrjen e përgjegjësive dhe përfshirjen në proceset vendimmarrëse.
Miteva theksoi gjithashtu se përvojat evropiane synohet të shndërrohen në iniciativa dhe aktivitete konkrete në Maqedoni, përmes Unionit të Grave të VMRO-DPMNE-së.
Ajo tha se synimi është të krijohen më shumë mundësi për gratë dhe të forcohet bashkëpunimi në kuadër të organizatës.
