Ndërmarrja Publike Komunale Tetovë ka zhvilluar një aksion për pastrimin e lumit Shkumbin dhe hapësirave përreth tij.
Gjatë aksionit janë larguar mbeturinat, është kositur bari dhe janë mirëmbajtur hapësirat përgjatë lumit.
Në terren ishte drejtori i NPK Tetovë, Samet Bislimi, ndërsa aksionit iu bashkua edhe kryetari i Komunës së Tetovës, Bilall Kasami.
Nga NPK Tetovë bëjnë të ditur se aksionet e tilla janë pjesë e aktiviteteve të vazhdueshme për mirëmbajtjen e hapësirave publike dhe krijimin e një mjedisi më të pastër në qytet.
