Në një aksion të koordinuar me NP “Parqe dhe Gjelbërim” dhe NP “Higjiena Komunale”, ekipet e Komunës së Kisella Vodës sot kanë realizuar një aksion të gjerë për pastrimin dhe rregullimin e bulevardit “Boris Trajkovski”.
Aktiviteti u zhvillua përmes Sektorit për Vetëqeverisje Lokale të Komunës së Kisella Vodës, ndërsa u pastrua pjesa nga kryqëzimi me rrugën “Heronjtë e Popullit” deri te hyrja e lagjes Draçevë.
Për përfundimin sa më të shpejtë dhe efikas të aksionit, në terren u angazhuan 40 punëtorë sezonalë nga Komuna e Kisella Vodës, 30 punëtorë nga NP “Higjiena Komunale” dhe 20 punëtorë nga NP “Parqe dhe Gjelbërim”.
Ekipet përdorën disa pajisje, përfshirë trimerë, sharra teleskopike dhe fryrëse, ndërsa për grumbullimin dhe transportimin e mbeturinave komuna angazhoi tre kamionë.
Gjatë aksionit janë mbledhur dhe transportuar gjithsej 3 tonë mbeturina.
Nga Komuna e Kisella Vodës bëjnë të ditur se aksione të tilla, të cilat synojnë mirëmbajtjen e higjienës publike dhe mbrojtjen e mjedisit, do të vazhdojnë edhe në periudhën e ardhshme.
