Nxënësit e shkollave fillore në Komunën e Gazi Babës do ta nisin mësimin çdo të hënë me këndimin e himnit shtetëror të Maqedonisë. Vendimi është bërë i ditur nga kryetari i komunës, Boban Stefkovski.
Stefkovski tha se himni përfaqëson lirinë, shtetësinë dhe historinë e vendit, duke vlerësuar se iniciativa synon të rrisë te nxënësit respektin ndaj shtetit dhe simboleve kombëtare.
Ndërkohë, ministrja e Arsimit, Vesna Janevska, kishte deklaruar më herët se po diskutohen ndryshime ligjore lidhur me intonimin e himnit në shkolla.
Nisma për këndimin e himnit në shkollat fillore ishte ndërmarrë edhe më herët në disa komuna të Shkupit, ndërsa në vitin 2024 Këshilli i Komunës së Velesit vendosi që himni të këndohej çdo të hënë në fillim të mësimit.
