Nën patronatin e Këshillit Organizativ të Shoqatës së të Burgosurve dhe të Përndjekurve Politikë Shqiptarë në Maqedoni – Dega Kumanovë, të dielën më 13 shtator do të organizohet Akademi Përkujtimore në nderim të jetës dhe veprës së atdhetarit, juristit dhe shkrimtarit të njohur, Muharrem Shaljani, informon tvfesta.mk
Shaljani, i cili ishte ish-i burgosur politik dhe veteran i Ushtrisë Çlirimtare Kombëtare (UÇK), kujtohet për qëndresën e tij të pamposhtur nëpër burgje dhe kontributin e pashlyeshëm në luftën për lirinë e popullit shqiptar.
Nga Këshilli Organizativ u kanë bërë thirrje të gjithë qytetarëve, bashkëveprimtarëve dhe bashkëluftëtarëve që të marrin pjesë për të nderuar këtë figurë të shquar kombëtare.
Detajet e ngjarjes:
” ”
Data: E diele, 13 Shtator 2026
Ora: 17:00
Vendi: Fakulteti i Administrimit të Biznesit (UT) në Kumanovë
Adresa: Rruga „11 Nëntori“ nr. 66, Lagjja Bedinjë, Kumanovë
Organizatorët theksojnë se pjesëmarrja e qytetarëve nderon vuajtjet e të gjithë të burgosurve politikë dhe luftën e lavdishme çlirimtare./tvfesta
