Policia në Koper (Slloveni) i ka dërguar një shkresë ambasadës në Lubjanë.
Ministria e Punëve të Jashtme e Maqedonisë thotë se rastin po e trajtojnë organet kompetente policore në Koper. Ambasada e Maqedonisë në Lubjanë është në komunikim me institucionet përkatëse sllovene dhe po ndjek rrjedhën e mëtejshme të procedurës.
“Në aksidentin në Slloveni kanë humbur jetën tre persona – një person madhor dhe dy persona të mitur, shtetas të Maqedonisë. Janë lënduar edhe dy persona të tjerë që ndodheshin në automjet dhe të cilët gjithashtu janë shtetas të Maqedonisë.”
Kështu informoi Ministria e Punëve të Jashtme dhe Tregtisë së Jashtme e Maqedonisë, pasi Ambasada e Maqedonisë në Lubjanë kishte marrë një shkresë nga policia sllovene.
MPJ-ja maqedonase thotë se rastin po e trajtojnë organet kompetente policore në Koper. Ambasada e Maqedonisë në Lubjanë është në komunikim me institucionet përkatëse sllovene dhe po ndjek rrjedhën e mëtejshme të procedurës.
Informacionet e mëparshme treguan se në automjet ndodheshin pesë shtetas maqedonas.
Sipas informacioneve fillestare, një kamion, për shkak të një defekti, ishte ndaluar në një zgavër anësore pranë autostradës. Automobili u përplas në pjesën e pasme, në anën e majtë të rimorkios së tij.
Mjeku konstatoi vdekjen e tre personave në vendin e aksidentit. Njëri prej të lënduarve u transportua me helikopter, ndërsa shoferi u transportua me ndihmën e shërbimit të urgjencës mjekësore.
