Kryetarja e Kuvendit të Kosovës dhe ushtruesja e detyrës së Presidentes, Albulena Haxhiu, ka marrë pjesë në pritjen zyrtare të organizuar nga Presidenti i Italisë, Sergio Mattarella, para ceremonisë së hapjes së Lojërave Mesdhetare.
Në një postim në Facebook, Haxhiu ka bërë të ditur se pritja u zhvillua në Kështjellën Aragoneze, në një atmosferë ku u mblodhën përfaqësues të vendeve të Mesdheut.
Ajo ka theksuar se sporti edhe një herë dëshmoi rolin e tij si urë lidhëse mes vendeve, duke nxitur miqësinë, afrimin dhe bashkëpunimin.
Haxhiu ka shprehur falënderim për Presidentin italian Sergio Mattarella dhe kryeministren Giorgia Meloni për mikpritjen.
