Të shtunën në mbrëmje është mbajtur ceremonia solemne e hapjes së edicionit të katërt të garave kuranore ndërkombëtare, organizuar nga Ministria e Çështjeve Islame të Arabisë në bashkëpunim me Bashkësinë Fetare Islame të Maqedonisë, duke shënuar kështu nisjen zyrtare të një prej ngjarjeve më të rëndësishme në fushën e leximit dhe mësimit të kuranit famëlartë. Ceremonia ka filluar me leximin e kuranit, ku për publikun u krijua një atmosferë e bukur shpirtërore.
Atasheu për Çështje Fetare në Sarajevë, theksoi se Mbretria e Arabisë Saudite ka organizuar edhe shumë gara ndërkombëtare, rajonale dhe kombëtare.
ABDULLAH ABDULATIF, ATASHE PËR ÇËSHTJE FETARE NË SARAJEVË:
“Gjithashtu mbretëria ka organizuar shumë gara ndërkombëtare, rajonale dhe kombëtare në fushën e memorizimit, leximit, texhvidit dhe komentimit të kuranit fisnik duke ndarë çmimet e denja për madhështinë e librit të Allahut. Ndër këto gara bën pjesë edhe kjo garë në të cilën ndodhemi”.
Kryetarë i BFI-së, Shaqir Fetahu tha se bashkëpunimi i bërë është dëshmi se kurani vazhdon të jetë një urë që lidhë popuj, kultura dhe shoqëri.
SHAQIR FTAHU, KRYETARË I BASHKËSISË FETARE ISLAME:
“Ky bashkëpunim fisnik është dëshmi se kurani, si burim i udhëzimit hyjnor vazhdon të jetë një urë që lidhë popuj, kultura dhe shoqëritë duke forcuar vlerat e dijës, paqes dhe mirëkuptimin. Kurani famëlartë nuk është vetëm një libër që vetëm lexohet me zë të bukur dhe ruhet në zemërat e hafizëve, por është udhërrëfyesi i jetës, burim i moralit, dijes dhe qytetërimit të përgjithshëm”.
Ka garues që marin pjesë për ferë tëparë dhe të tjerë për të tretën ose të katërtën herë. Për ata, kurani është drita e jetës.
Gara e organizuar do të mbahet tre dite radhazi dhe pritet të përfundoj më 28 korrik, gjithashtu me një ceremoni përmbyllëse ku do të shkëmbehen dhurata dhe mirënjohje për garuesit.
