Goditet me thikë një nxënës në Gjirokastër. Ngjarja ka ndodhur para pak minutash në lagjen ‘18 Shtatori’ në Gjirokastër ku nxënësi A.T 15 vjeç ka ngelur i plagosur me thikë nga një 13-vjeçare.
Sapo nxënësi është qëlluar, me mjetin prerës, është vënë re nga kalimtarë të rastit të cilët kanë njoftuar policinë dhe e kanë përcjellë menjëherë në spital me makinë.
Policia ka kapur vajzën adoleshente të cilën e ka shoqëruar në ambientet e policisë nga ku do të merret në pyetje në praninë e psikologut. Dyshimet e para të ngjarjes janë se vajza 13-vjeçare e ka kryer këtë akt për xhelozi, ndërsa vazhdojnë hetimet.
