Me iniciativën dhe koordinimin e Ambasadorit të Republikës së Shqipërisë në Maqedoninë e Veriut, Denion Meidani, një delegacion i Universitetit “Nënë Tereza” në Shkup zhvilloi një vizitë disa ditore në Tiranë, të fokusuar në forcimin e bashkëpunimit akademik, shkencor dhe rinor ndërmjet institucioneve të dy vendeve.
Delegacioni, i përbërë nga Rektori Prof. Dr. Bekim Fetaji, Kryetari i Kuvendit Studentor Universitar Besar Sejdiu, Sekretari i Kuvendit Studentor Universitar Driton Zendeli, Jasir Memedi dhe përfaqësues të tjerë të universitetit, zhvilloi një sërë takimesh me institucione shqiptare dhe aktorë të rëndësishëm të jetës akademike dhe publike.
