Bashkëpunimi ndërkomunal nuk njihet mjaftueshëm si një mekanizëm efikas për rritjen e efektivitetit të shpenzimeve dhe cilësisë së shërbimeve. Edhe pse ligji është konceptuar si një instrument për tejkalimin e hendekut midis komunave më të vogla dhe atyre me kapacitete më të mëdha administrative dhe financiare, janë pikërisht komunat me nevojat më të mëdha ato që përballen me burime të kufizuara dhe kapacitete të pamjaftueshme për të krijuar në mënyrë të pavarur forma të tilla bashkëpunimi”, tha ministri i Vetëqeverisjes Lokale, Zllatko Perinski, në ngjarjen konsultative me temën “Promovimi dhe përforcimi i bashkëpunimit ndërkomunal në vetëqeverisjen lokale”.
Ngjarja u organizua nga Ministria e Vetëqeverisjes Lokale dhe Programi i Kombeve të Bashkuara për Zhvillim (UNDP), ndërsa morën pjesë kryetarë komunash, përfaqësues të komunave, institucione dhe partnerë ndërkombëtarë. Para të pranishmëve u prezantua vlerësimi i zbatimit të Ligjit për Bashkëpunim Ndërkomunal, të miratuar në vitin 2009, si dhe aktet nënligjore që rrjedhin prej tij. Analiza tregoi se në periudhën e kaluar është arritur njëfarë progresi në zbatimin e dispozitave ligjore, por në të njëjtën kohë janë identifikuar dhe sfida serioze.
Dobësitë kryesore të identifikuara ishin nevoja për mbështetje financiare për të inkurajuar bashkëpunimin ndërkomunal, mungesa e një qasje sistematike ndaj monitorimit të tij dhe mungesa e analizave gjithëpërfshirëse – faktorë të cilët, siç u theksuan, kufizojnë ndjeshëm zbatimin praktik të Ligjit.
Ministria për Vetëqeverisje Lokale paralajmëroi se po nis një proces të hapur dhe gjithëpërfshirës për përmirësimin e kuadrit ligjor, i cili do të përfshijë të gjitha komunat, bashkësinë e donatorëve dhe publikun e ekspertëve. Qëllimi është të zbulohen ndryshimet e nevojshme të cilat do të lehtësojnë dhe inkurajojnë bashkëpunimin ndërkomunal, si një instrument i rëndësishëm për ushtrimin më efikas dhe të qëndrueshëm të kompetencave në nivel lokal.
Prezantimi hyrës u mbajt nga sekretarja shtetërore në Ministrinë e Vetëqeverisjes Lokale, Julijana Pavkovska Bocevska, e cila u ndal në pozicionimin e Ministrisë së Vetëqeverisjes Lokale në funksion të promovimit të bashkëpunimit ndërkomunal dhe zbatimit të rekomandimeve të misioneve të vlerësimit në kuadër të funksionimit të institucioneve demokratike dhe reformës së administratës publike, pas së cilës Raporti mbi bashkëpunimin e arritur ndërkomunal në vitin 2025 u prezantua nga Udhëheqësi i Sektorit të Vetëqeverisjes Lokale në kuadër të Ministrisë
