Sipas llogaritjeve të Entit Shtetëror të Statistikës, paga mesatare neto mujore e paguar për punonjës në janar 2026 ishte 46.617 denarë.
Në janar 2026, krahasuar me janarin 2025, paga mesatare neto mujore e paguar për punonjës ishte 8.3% më e lartë.
Kjo rritje është kryesisht për shkak të rritjes së pagës mesatare mujore neto të paguar për punonjës në sektorët: Aktivitete administrative dhe shërbimesh mbështetëse me 12.9%, Tregti me shumicë dhe pakicë; riparimi i automjeteve dhe motoçikletave me 11.1% dhe Industri përpunuese me 10.5%.
Një rënie në pagën mesatare mujore neto të paguar për punonjës, krahasuar me muajin e kaluar, u regjistrua në sektorët: Transport dhe magazinim me 7.4%, Ndërtim me 5.3% dhe Aktivitete financiare dhe sigurimi me 3.8%.
Programuesit mbeten më të paguarit në vend, me një pagë mesatare prej 107,016 denarë, sipas të dhënave nga Enti Shtetëror i Statistikës.
Të dytët në listën e pesë profesioneve më të paguara janë Kërkimi Shkencor dhe Zhvillimi, të cilët në nëntor kanë marrë një pagë mesatare neto prej 79.530 denarë. Më pas vijnë të punësuarit në Transportin Ajror me 78.905 denarë, pastaj të punësuarit në Magazinim dhe aktivitete mbështetëse në transport me 72.311 denarë dhe të fundit nga pesë të parët janë të punësuarit në Aktivitete të tjera profesionale, shkencore dhe teknike me 70.677 denarë pagë neto.
Në anën tjetër të shkallës, pesë profesionet më pak të paguara në vend kanë paga që janë të paktën tre herë dhe madje mbi katër herë më të ulëta se profesionet me të ardhurat më të larta. Kështu, bindshëm në fund janë të punësuarit në sektorin “Prodhimi i lëkurës dhe produkteve të ngjashme prej lëkure” me një pagë mesatare prej 29.670 denarë. Më pas janë të punësuarit në sektorin “Prodhimi i veshjeve” me 29.791 denarë, pastaj ata në Peshkim dhe akuakulturë me 29.794 denarë.
