Në qendër të Struga, u organizua një aktivitet me rastin e Dita Botërore e Personave me Sindromën Down, duke përcjellë mesazhe të forta për barazi, respekt dhe përfshirje në shoqëri.
Kryetari i komunës, Mendi Qyra, theksoi se kjo ditë nuk është vetëm simbolike, por një kujtesë për angazhimin e përditshëm që duhet të ketë shoqëria për të ndërtuar një ambient më të drejtë dhe më human për të gjithë qytetarët.
Aktiviteti u realizua falë bashkëpunimit të disa institucioneve dhe organizatave, përfshirë Care for disabled kids, Kryqi i Kuq i Maqedonisë së Veriut, studion Tanja Bah, si dhe shkollat Niko Nestor dhe Ibrahim Temo. Në organizim kontribuuan edhe NP Komunale Strugë, American Corner Struga, vullnetarët e Peace Corps, si dhe fotografi Lluka.
Sipas kryetarit Qyra, pjesëmarrja dhe angazhimi i përbashkët dëshmojnë se ndryshimi vjen përmes bashkëpunimit dhe solidaritetit. Ai theksoi se vizioni i komunës është ndërtimi i një qyteti gjithëpërfshirës, ku çdo qytetar ka vendin dhe dinjitetin e tij, pa përjashtim.
Aktiviteti u prit pozitivisht nga qytetarët, duke e kthyer këtë ditë në një thirrje të fuqishme për më shumë ndërgjegjësim dhe mbështetje për personat me sindromën Down.
