10 marsi është shpallur prej Organizatës së Kombeve të Bashkuara si Dita Ndërkombëtare e Grave Gjyqtare.
OKB thekson se, përfaqësimi i grave në gjyqësor është i rëndësishëm për shumë arsye. Gratë në sistemin e drejtësisë penale mund të veprojnë si agjente të ndryshimit dhe të kontribuojnë në një llogaridhënie më të madhe. Gjyqtaret sjellin perspektiva dhe përvoja të ndryshme, duke forcuar sistemet gjyqësore. Gratë në role udhëheqëse ndihmojnë në prishjen e rrjeteve të bashkëpunimit, duke i dhënë një goditje korrupsionit.
Për sa i përket përqindjes së grave gjyqtare, sipas rajonit, Evropa kryeson me një mesatare prej 54 %, e ndjekur nga Amerika me 51 %. Megjithatë, këto shifra janë në kontrast me ato të Oqeanisë, Afrikës dhe Azisë, ku gratë përbëjnë përkatësisht 31 %, 30 % dhe 29 % të totalit.
Gjetja e rrugës drejt barazisë në sistemet e drejtësisë është një detyrë e pazgjidhur në rajone të ndryshme të botës. Megjithëse është bërë përparim i konsiderueshëm ndërsa ngjitemi në hierarkinë profesionale, numri i grave në pozicione drejtuese ose të larta zvogëlohet ndjeshëm, dhe ky është një trend i vazhdueshëm në nivel global. Sipas të dhënave të OKB-së, një numër relativisht i vogël grash kanë qenë ose janë pjesë e gjyqësorit, veçanërisht në pozicione të larta drejtuese gjyqësore./atsh/KultPlus.com
