Bashkëpunimi dhe besimi i lartë mes Armatave të Maqedonisë dhe SHBA-së, vlera strategjike e poligonit të Armatës “Krivollak” dhe mundësitë për zhvillimin e së njejtës, si dhe pajisja dhe modernizimi i Armatës, ishin në fokus të takimeve të kryeshefit të Shtatmadhorisë së Armatës, gjeneral-majori Sashko Lafçiski, me përfaqësues të lartë të Forcave të Armatosura (FA) të SHBA-së, në Pentagon, me të cilët e përfundoi vizitës e punës disaditëshe në FA-në e SHBA-së.
Siç njoftoi Shtatmadhoria, gjatë ditës së djeshme, gjenerali Lafçiski realizoi takim me kryeshefin e shtabit të Armatës të SHBA-së, gjeneralin Rendi Xhorxh, ku u konfirmua besimi i lartë dhe bashkëpunimi mes dy armatave.
“Në takim u ndanë përvojat e Armatës së SHBA-së në udhëheqjen e konflikteve bashkëkohore, duke përfshirë edhe për zhvillimin e aftësive të reja, para se gjithash në ballafaqimin me ligjet nga dronët dhe sistemet pa pilot. Plotësisht është biseduar edhe për vlerën strategjike të poligonit të armatës “Krivollak” dhe mundësitë për zhvillimin e së njejtës, me qëllim të rritjes së kapaciteteve për kryerjen e trajnimeve dhe stërvitjeve”, thuhet në kumtesë.
Në kuadër të vizitës, gjenerali Lafçiski u takua edhe me kryeshefin e G-8 të Armatës së SHBA-së, gjeneral-nënkolonelin Piter Benhof dhe përfaqësues të drejtorisë për bashkëpunim në mbrojtje të SHBA-së. Gjatë takimeve të veçanta është biseduar për proceset e lidhura me pajisjen dhe modernizimin e Armatës.
“Takimet e djeshme të gjeneralit Lafçiski në Uashington, u paraprinë nga një sërë aktivitetesh të rëndësishme, duke përfshirë një takim me zëvendëskryetarin e Shtabit të Përbashkët të Forcave të Armatosura të SHBA-së, gjeneral Kristofer Mahoni, pjesëmarrjen në ceremoninë solemne që shënoi transferimin e detyrës së Komandantit të Gardës Kombëtare (NG) të Vermontit dhe një takim me Komandantin e ri të NG të Vermontit, gjeneral majorin Henri Harder”, thuhet në kumtesën e Shtatmadhorisë.
Ata shtojnë se vizita e punës e delegacionit të Maqedonisë është një konfirmim i bashkëpunimit të vazhdueshëm midis Armatës së Maqedonisë dhe Forcave të Armatosura të Shteteve të Bashkuara të Amerikës.
