Shkup, 15 shkurt – Qeveria i dha dritë jeshile propozim-ligjit për Këshillin e Prokurorëve, i cili parasheh masa shtesë për rritjen e transparencës dhe llogaridhënies.
Ligji i cili duhet të kalojë gjatë periudhës së ardhshme në Kuvend, parashikon procedurë më të qartë për shkarkimin dhe emërimin e kryetarit dhe anëtarëve të Këshillit të Prokurorëve, por edhe kritere më të rrepta për zgjedhjen e tyre. Plotësisht, përforcohet edhe roli i Këshillit gjatë emërimit dhe shkarkimit të kryeprokurorit. Jelena Kadriq nga Instituti për të Drejtat e Njeriut dhe Darko Avramovski nga Koalicioni të Gjithë për Gjykime të Drejta, përshëndesin zgjidhjen ligjore, duke theksuar se e njëjta ka marrë mendim pozitiv edhe nga Komisioni i Venecias, megjithatë problemi kryesor mbetet zbatimi i tij.
“Ndryshimet ligjore janë të mira, konstruktive dhe janë në drejtim të rritjes së transparencës dhe llogaridhënies së Këshillit të Prokurorëve Publik”. 05:20 “Te ne zbatimi i zgjidhjeve ligjore është ajo që është problematike, nuk mundemi të bëjmë ligj të përkryer dhe ligj në të cilin të gjitha mundësitë ligjore mund të parashikohen. Domethënë nuk është poenta që ligjvënësi gjithçka të konstatojë. Por te ne praktika tregon se shumë shpesh gjejmë vrima në ligje dhe interpretime të ndryshme të fjalëve në ligj dhe përpiqemi t’i shmangim,” deklaroi Jelena Kadriq, Instituti për të Drejtat e Njeriut.
“Problemi kryesor të cilin e kemi është në pikëpamjen e zbatimit të dispozitave që i kemi në ligjet. Edhe pse Ligji për Këshillin e Prokurorëve sjellë disa risi, avancime dhe kompetenca më të mira të Këshillit apo përforcimin e transparencës dhe ngjashëm, pikëpyetje është se si kjo do të zbatohet në praktikë, pasi deri tani shumë shpesh kemi përgjigje teknike ndaj problemeve. Përpiqemi t’i zgjidhim me ligje, por në thelb kemi problem me praktikën dhe mënyrën se si zbatohen dhe interpretohet kuptimi dhe fryma e ligjit,” tha Darko Avramovski, Koalicioni të Gjithë për Gjykime të Drejta.
Plotësisht ata vënë në pah rastin me zbatimin e ligjit të ri për Këshillin Gjyqësor, ku Qeveria në mënyrë të njëanshme ka nominuar përfaqësueses të shoqërisë civile të merr pjesë në grupin punues për seleksionim preliminar për anëtar të Këshillit Gjyqësor, në vend që atë ta bëjë Këshilli për Bashkëpunim mes Qeverisë dhe Shoqërisë Civile.
